Crime Stopper and Service Complaints call 133  | For Emergencies Call 999

Central Police HQVictoria, Mahe

Emergency Only 999

Vol an servan vyolans an montan Mont Plezir, Anse Royale.

Lapolis in raporte ki 5 zonm sispe, 1 zofisye ANB avek 4 sivilyen in ganny arete e pe ganny detenir an relasyon avek lofans vol an servan vyolans raporte arive dan zanmerant Simityer anmontan Mont Plezir Zedi swar.

Lapolis ti ganny enformen lo sa lensidan ver 9:40.

Viktim dan sa ka I en zonm 23 an ki reste Mont Plezir. I dir letan I ti pe al se li, 1 loto ti  swiv li, “overtake” e aret li, 2 zonm ladan ti fors li debarked dan son loto, fer li dormi ater, “spray tear gas” dan son figir e pran son loto al avek. Sa viktim I dir ki 1 son agreser ti arme avek gran kouto ki i ti tap lo son loto.

Loto sa viktim ti plitar ganny trouve andomaze Cap Bonmzan.

Dapre viktim, en sonm 8,500 roupi, avek 2 telefonn portab in ganny vole dan son loto.

Swivan lanket anmennen par lapolis, sa zofisye ANB ki tin fini travay sa zour Zedi “off duty”, avek 1 sivilyen ti ganny arete son landmen Vandredi e ganny anmenn ankour menm zour apremidi  kot zot ti ganny rimann.

Sa 3 lezot sispe sivilyen ki ti ganny arete pandan wikenn in osi ganny anmenn ankour ozordi bomaten. 1 parmi in ganny rimann ziska le 5 me, tandis ki sa 2 lezot pe repas ankor ankour apremidi ansanm avek sa 2 ki ti ganny rimann Vandredi.  Lapolis pou ki zot enformen lo rezilta lakour apremidi.

Antretan CID I kontinnyen avek son lanket dan sa zafer

Communiqué Filter

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30